miércoles, 8 de febrero de 2023

Lugo Monumental repartirá 1.000 euros en premios á mellor animación de rúa no Antroido

Aínda que este blog é meu e non da Asociación que teño a honra de presidir, hoxe me van permitir que o use para difundir a recuperación do Premio de Animación de Rúa de Lugo Monumental. 1.000 euros en premios, que é moito para unha entidade que NON se nutre de subvencións (porque non as pide) por divertirse pola rúa non está nada mal.

Preparen o Antroido e xa saben, no casco histórico teñen premio.


NOTA DE PRENSA:

Lugo Monumental convoca no día de hoxe o IX Premio Lugo Monumental de Animación de Rúa, que terá lugar entre os días 17 e 21 de febreiro coa colaboración dos locais do centro histórico.

Como todos os anos, este premio está pensado para atraer ao centro ás cuadrillas que celebran o Antroido e que enchen as rúas do colorido, a música, e por que non, a irreverencia propia desta época.

Tal e como recollen as bases publicadas hoxe, entenderase como “animación” calquera actividade que as agrupacións participantes consideren oportuna (música, teatro, monicreques, monólogos, maxia, xogos infantís…) e que contribúa a crear diversión e ambiente rueiro no centro histórico de Lugo. Poderanse ter en conta as mellores cancións, disfraces ou presentacións, pero o que máis pesará será a animación creada nas rúas do centro.

Como inscribirse? É moi sinxelo:

  1. Para optar ao premio os participantes deberán enviar un correo electrónico ao enderezo asociacion@lugomonumental.es ou unha mensaxe de Whatsapp ao número 644 637 444 cos seguintes datos:

    1. Nome do grupo

    2. Número aproximado de participantes

    3. Descrición da animación

    4. Nome dunha persoa de contacto, teléfono e enderezo electrónico

  2. O prazo de inscrición abrirase no momento da publicación destas bases e finalizará o día 16 de febreiro ás 23:59 horas.

  3. A inscrición é gratuita.

Cada agrupación designará a un representante, que será o único interlocutor válido coa Organización para todos os efectos. En caso de resultar premiada, a agrupación faculta expresamente ao representante para recoller o premio obtido.


Que premios hai?

Establécense tres premios:

  • 1º Premio: 12 vales de 50€ por un importe total de 600,00 euros

  • 2º Premio: 6 vales de 50 € por un importe total de 300,00 euros

  • 3º Premio: 2 vales de 50 € por un importe total de 100,00 euros

Os premios entregaranse en vales de 50,00 euros trocables nas empresas asociadas a Lugo Monumental.


Quen vota aos grupos?

Os locais participantes son os que emitirán os seus votos, polo que é importante que os grupos se centren en animar as zonas onde se sitúan os 28 xuíces. Entregaráselles unha listaxe de locais con dereito a voto, que figuran nas bases da convocatoria, e haberá un mapa de Google coas localizacións.


Enlace ás bases

Enlace ao plano dos locais participantes

No hay comentarios:

Publicar un comentario

Derecho a réplica:

Se admiten comentarios, sugerencias y críticas. Sólo se pide cierta dosis de ''sentidiño'' y cortesía.